Carta de Confirmação da doação da Vila de Terena a D. Gil Martins e sua esposa Dª Maria Anes da Maia

Carta de Confirmação da doação da Vila de Terena a D. Gil Martins e sua esposa Dª Maria Anes da Maia

CHANCELARIA DE D. AFONSO III (c.1248-1279), Livro Primeiro de Doações, Mercês e

Forais, Arquivo Nacional da Torre do Tombo (ANTT), Liv. 1, ff. 56-56 v 

Datação

1261 [1299], dezembro, 13, Santarém.

Sumário

Carta de confirmação, promulgada por D. Afonso III, da doação da herdade de Terena a D. Gil Martins de Riba de Vizela e sua esposa, D. Maria Anes da Maia.

Edição

Carta [de] confirmationis super donationem factam [a] donno Egidio martinj et uxori sue per Concilium Elborensem In dei nomine et eius gratia Nouerint vniuersi presentes litteras inspecturi quod ego Alfonsus dei gratia Rex Portugalie vna cum vxore mea regina donna Beatrice illustris Regis Castelle et Legionis filia et filio nostro Infante donno Dyonisio et filia nostra infantissa donna Blanca motu proprio et spontanea uoluntate concedo et ratam habeo pariter et acceptam donationem hereditatis quam pretor judices et Concilium Ciuitatis Elborensis dederunt donno Egidio martinj et uxori sue donne Marie iohannis et vicinitatem in quam ipsos et filios eorundem receperunt Et uolo et mando presenti scripto quod ipse donnus Egidius martinj et uxor sua et omnes successores eorum habeant et possideant predictam hereditatem cum omnibus suis terminis et cum omni plenitudine iuris tam temporalis quam spirutualis quod in ea et in pertinencijs suis nobis et successoribus nostris pertinet uel pertinere poterit cunctis temporibus seculorum sicut ipsa hereditas est diuisata et terminata per cartam sigillatam sigillo Concilij Elborensis quam ego uidi non abrasam nec abolitam in aliqua parte sui et scriptam per manum Petri laurencij mei Tabellionis de Elbora quam inde dederunt prefatis donno Egidio martinj et uxori sue donne Marie iohannis Cuius tenor de uerbo ad uerbun in ista mea carta per Dominicum petri meum scriptorem inseri feci ut predicta donatio non possit in posterum reuocari Et hic est tenor carte donationis predicte hereditatis [segue-se a transcrição do Doc. nº1]

In huius itaque rei testimonium et euidenciam pleniorem Ego predictus rex Alfonsus u [sic] una cum vxore mea et filio et filia meis predictis presentem cartam confirmationis patentem et sigillatam sigillo meo plumbeo duxi predictis donno Egidio martini et uxori sue et eorum filijs concedendam Data Sanctarene xiijº die Decembris

Rege mandante per donnum Johannem petri de Auoyno sub Era Mª CCª LX ̆ ª IXª

a) Donnus Gonsalvus garsie alferaz Curie confirmat

b) Donnus Martinus Alfonsi tenens Braganciam confirmat

c) Donnus Andreas Fernandi tenens ripam Minij confirmat

d) Donnus Didacus Lupi tenens Lamecum confirmat

e) Donnus Martinus egidij tenens Sausam et Beyram confirmat

f) donnus Gonsalvus menendi tenens Elboram confirmat

g) Menendus roderici tenens Mayam confirmat

h) Donnus Martinus Archiepiscopus Bracarensis confirmat

i) Donnus Vincentius Episcopus portugalensis confirmat

j) Donnus Egeas episcopus Colimbriensis confirmat

k) Donnus Petrus Episcopus // [fl.56v] Lamecensis confirmat

l) Donnus Matheus Episcopus visensis confirmat

m) Donnus Rodericus Episcopus Egitaniensis confirmat

n) Donnus Martinus Episcopus Elborensis confirmat

o) Donnus Stephanus iohannis Cancellarius Curie confirmat

Dominicus petri notarius Curie fecit 

Castelo da Vila de Terena